Kryeministri i Kosovës, Albin Kurti, përmes një konference për media ka folur për qeverisjen e tij në tre vjetorin e Qeverisë Kurti II.

Kurti ka theksuar se tri vitet e qeverisjes së tij ishin përplot sfida, por edhe të arritura. Ai ka thënë se gjatë kësaj periudhe e arritura kryesore është se Kosova është ngritur në ekonomi me rritje prej 6.2% të bruto-produktit vendor, dhe kjo rritje është shpërndarë përmes pakove të ndryshme.

Kurti, ka thënë se janë krenar dhe ballëhapur në shënimin e trevjetorit prej kur e ka marrë Qeverinë në dorë, duke numëruar ato që ai i ka quajtur suksese

Gjithashtu, ai ka përmendur ballafaqimin me pandeminë, inflacionin, krizën energjetike e deri tek subvencionimet ndryshme të dhëna, siç ka thënë ai gjithandej.

Tutje, Kurti ka theksuar  se sfidat kryesore dhe që i kanë marr shumë kohë kanë qenë një dyzinë ligjesh të reformave substanciale, sociale, ekonomike dhe të drejtësisë në Kosovë, e siç shtoi ai ato kanë ngelur të bllokuara në Gjykatën Kushtetuese dhe se një pjesë e tyre janë deformuar ose anuluar. Madje i ka bërë thirrje që të garojë në zgjedhje.

Kurti ka folur edhe për rrugët që akoma nuk kanë përfunduar, përfshirë atë në rrugën Gjilan-Prishtinë.

“Do t’i përfundojmë punët që qeverisjet e kaluara i lanë keq dhe në gjysmë”, u shpreh Kurti./Arbresh.info